វិស័យពន្ធដារកម្ពុជា: 2015

តម្លៃទំនិញ	ក	៥៤១
ធានារ៉ាប់រង	ខ	៥០
ដឹកជញ្ជូន	គ	៥០
តម្លៃគយកែតម្រូវ	ឃ = ក+ខ+គ	៦៤១
ពន្ធគយ (៣០%)	ង=ឃ *៣០%	១៩២
អាករពិសេស (២០%)	ច = (ឃ+ង)*២០%	១៦៧
តម្លៃជាប់អាករ នៅពេលនាំចូល	ឆ = ឃ+ង+ច	១,០០០

ឧទាហ៍ទី០១៖

១	នាំចូលទំនិញ
	តម្លៃជាប់អាករនៅពេលនាំចូល	១,០០០
	អករលើតម្លៃបន្ថែមបង់ឱ្យអពរ (១០%)	១០០
	ចំណាយផ្សេងៗ១៥០ + ចំណេញ ៥០	២០០
	ថ្លៃលក់ចេញ	១,២០០
២	លក់ទំនិញឱ្យអតិថិជន
	តម្លៃគិតអារ ឬតម្លៃមិនរួមបញ្ចូលអាករ	១,២០០
	អាករតម្លៃបន្ថែម ឬអាករលើធាតុចេញ ១០%	១២០	(គិតយកពីអតិថិជន)
៣	ក្រុមហ៊ុននាំចូលទំនិញដាក់លិខិតប្រកាស់
	បំពេញនៅក្នុងប្រអប់សម្រាប់អាករលើធាតុចេញ	១២០
	បំពេញនៅក្នុងប្រអប់សម្រាប់អាករលើធាតុចូល	១០០
	អាករត្រូវបង់បន្ថែម	២០

ឧទាហ៍ទី០២៖

១	នាំចូលទំនិញ
	តម្លៃជាប់អាករនៅពេលនាំចូល	១,០០០
	អករលើតម្លៃបន្ថែមបង់ឱ្យអពរ (១០%)	១០០
	ចំណាយផ្សេងៗ១៥០ + ចំណេញ ៥០	២០០
	ថ្លៃលក់ចេញ	៩៥០
២	លក់ទំនិញឱ្យអតិថិជន
	តម្លៃគិតអារ ឬតម្លៃមិនរួមបញ្ចូលអាករ	៩៥០
	អាករតម្លៃបន្ថែម ឬអាករលើធាតុចេញ ១០%	៩៥	(គិតយកពីអតិថិជន)
៣	ក្រុមហ៊ុននាំចូលទំនិញដាក់លិខិតប្រកាស់
	បំពេញនៅក្នុងប្រអប់សម្រាប់អាករលើធាតុចេញ	៩៥
	បំពេញនៅក្នុងប្រអប់សម្រាប់អាករលើធាតុចូល	១០០
	ឥណទានអាករ	(៥)

Sunday, October 4, 2015

តម្លៃជាប់អាករ

ការនាំចូល = តម្លៃគយកែតម្រូវ(ទំនិញ+តម្លៃធានារ៉ាប់រង+តម្លៃដឹកជញ្ជូន) + ពន្ធគយ + អាករពិសេស

Taxable Value = CIF(Cost+Insurance+Freight) + Customs Duty + Exercise Tax

ការផ្គត់ផ្គង់ទំនិញ ឬសេវា = ថ្លៃដែលអ្នកលក់គិតយកពីអ្នកទិញរួមទាំងបន្ទុកផ្សេងៗ និងអាករពិសេសលើ ទំនិញ និងសេវាមួយចំនួនប្រសិនបើមាន
ការធ្វើអំណោយ ឬការលក់ដោយបញ្ចុះថ្លៃ = តម្លៃត្រូវគិតតាមតម្លៃទីផ្សារ
ប្រសិនបើតម្លៃទំនិញ ឬសេវាមិនអាចកំណត់បានថាជាតម្លៃពិតទេ អគ្គនាយកដ្ឋានពន្ធដារអាចធ្វើការកំណត់ តម្លៃមួយសម្រាប់ទំនិញ ឬសេវានោះ។

ល័ក្ខខ័ណ្ឌនៃការផ្តល់ឥណទាន អតប

ទំនិញដែលស្នើសុំឥណទានត្រូវតែបានទិញ ឬនាំចូលក្នុងរយៈពេល៦០ថ្ងៃមុនការចុះបញ្ជី។
ពាក្យស្នើសុំឥណទានត្រូវធ្វើឡើងតាមទម្រង់កំណត់ដោយអគ្គនាយកដ្ឋានពន្ធដារ។
ពាក្យស្នើសុំឥណទាន ត្រូវភ្ជាប់ដោយឯកសារភស្តុតាងនៃការបង់ប្រាក់អាករ។
បុគ្គលជាប់អាករត្រូវរក្សាឯកសារដែលទាក់ទិននឹងការស្នើសុំឥណទានក្នុងរយៈពេល១០ឆ្នាំ។

Monday, September 21, 2015

រំលស់សារពើពន្ធ

១ - រំលស់ទ្រព្យរូបី

		អត្រារំលស់	វិធីរំលស់
	ដីធ្លីមិនមែនជាទ្រព្យអាចរំលស់ទេ
ថ្នាក់ ១ :	អគារ និងរចនាសម្ព័ន្ធ ព្រមទាំងសមាសភាគរបស់វា	៥%	ស្មើភាគ
ថ្នាក់ ២ :	កុំព្យូទ័រ ប្រព័ន្ធពត៌មានអេឡិចត្រូនិច សហ្វវែរ និងបរិក្ខារ ទុកដាក់ទិន្នន័យ	៥០%	ថយជាលំដាប់
ថ្នាក់ ៣ :	រថយន្ត រថយន្តដឹកទំនិញ គ្រឿងសង្ហារឹម និងបរិក្ខារការិយាល័យ	២៥%	ថយជាលំដាប់
ថ្នាក់ ៤ :	ទ្រព្យរូបីឯទៀតទាំងអស់	២០%	ថយជាលំដាប់

២ - រំលស់ទ្រព្យអរូបី

ចំពោះទ្រព្យអរូបីដែលរូមមានប្រកាសនីយប័ត្រតក្កកម្ម សិទ្ធិចម្លង គំនូរប្លង់ គំរូ និងសិទ្ធិអាជីវកម្ម ដែលមានអាយុកាល មានកំណត់អត្រារំលស់លើទ្រព្យនីមួយៗ ត្រូវគណនាដោយផ្អែកលើអាយុកាល របស់ទ្រព្យនោះតាមវិធីរំលស់ស្មើភាគ។
បើសិនជាអាយុកាលនៃទ្រព្យអរូបីមិនអាចកំណត់បាន រំលស់ប្រចាំឆ្នាំត្រូវអនុវត្តតាមអត្រា១០%លើតម្លៃ ទ្រព្យអរូបី។

៣ - រំលស់ធនធានធម្មជាតិ

១ - ទាយជ្ជទានឱ្យដល់ការរំលស់លើធនធានធម្មជាតិមានជាអាទិ៍ ប្រេងកាត និងឧស្ម័នធម្មជាតិ ត្រូវបានកំណត់ ដូចតទៅ ៖

ក - ចំណាយក្នុងការរុករក និងអភិវឌ្ឍន៏ ក្នុងនោះមានទាំងការប្រាក់ ដែលជាប់ទាក់ទងដល់ចំណាយនោះផង ត្រូវបូកបញ្ចូលទៅក្នុងគណនីទ្រព្យសកម្មនៃធនធាននោះ។

ខ - ទឹកប្រាក់រំលស់លើធនធានធម្មជាតិនីមួយៗ ដែលត្រូវផាត់ចេញនៅក្នុងឆ្នាំជាប់ពន្ធណាមួយ ត្រូវគណនា ដោយយកសមតុល្យនៃគណនីធនធានធម្មជាតិ ទៅគុណនិងផលចែករវាងបរិមាណ ដែលបាលផលិត ចេញអំពីធនធានធម្មជាតិនៅក្នុងឆ្នាំនិងចំនួនប៉ាន់ស្មាននៃផលិតផល សរុបដែលអាចទាញយកបាន ពីធនធាននោះ។

២ - នីតិវិធីសម្រាប់កំណត់ចំនួនប៉ាន់ស្មាននៃផលិតផលសរុប ត្រូវកំណត់ដោយអនុក្រិត្យ។

Saturday, September 19, 2015

តារាងគណនាពន្ធលើប្រាក់ចំណេញ

បរិយាយ

១ - ប្រាក់ចំណេញមុនបង់ពន្ធ/លទ្ធផលគណនេយ្យ(ចំណេញ/ខាត)

បូក - ចំណាយមិនអាចកាត់កងបាន [ ក ]

- ចំណាយរំលស់គណនេយ្យ
- ចំណាយលើការកំសាន្ដសប្បាយ, ការលំហែកំសាន្ដ និងការទទួភ្ញៀវ
- ការកើនឡើងនូវសំវិធានធន
- អំណោយ និងឧបត្ថម្ភកធនផេ្សងៗ
- ខាតពីការលក់ទ្រព្យសកម្មរយៈពេលវែង(ខាតតាមបញ្ជីគណនេយ្យ)
- ចំណាយមានលក្ខណៈស្ដុកស្ដម្ភហួសហេតុមិនអនុញ្ញាតិ
- ចំណាយមិនបំរើអោយសកម្មភាពអាជីវកម្ម
- ខាតលើប្រតិបតិ្ដការណ៍ជាមួយបុគ្គលជាប់ទាក់ទង
- ចំណាយលើការផាកពិនិយ័ និងទោសទណ្ឌ័ផេ្សងៗ
- ចំណាយនៃការិយបរិចេ្ឆទមុន
- ចំណាយពន្ធនិងអាករផេ្សងៗមិនអាចកាត់កងបាន
- លាភការរបស់អាជីវករ និងគ្រួសារ
- ផលប្រយោជន៍ជាវត្ថុរបស់អាជីវករ និងគ្រួសារ
- ចំណាយបៀវត្សពីការបំរើការងារដែលមិនទាន់បានបើករយៈពេល ៦០ថ្ងៃនៃឆ្នាំបន្ទាប់
- ចំណាយផេ្សងៗមិនអនុញ្ញាតិអោយកាត់កងបាន

បូក - ចំណូលជាប់ពន្ធតែមិនត្រូវបានកត់ត្រាក្នុងបញ្ជីគណនេយ្យ [ ខ ]

- ការផ្គត់ផ្គង់ទំនិញនិងសេវាដោយឥតគិតថ្លៃ
- ការដាក់ទ្រព្យសកម្មរយៈពេលវែងដាក់អោយប្រើប្រាស់ដោយឥតគិតថ្លៃ
- ការកែលំអរទ្រព្យសកម្មរយៈពេលវែងដោយអ្នកជួលមិនគិតយកពីមា្ចស់
- អំណោយនិងឧបត្ថម្ភធនមិនទទួលសា្គល់ក្នុងគណនេយ្យ
- ផលចំណេញ, តំលៃលើសពីការលក់ទ្រព្យសកម្មរយៈពេលវែងតាមច្បាប់សារពើពន្ធ
- ចំណូលផេ្សងៗទៀតដែលមិនបានកត់ត្រាក្នុងបញ្ជីគណនេយ្យ

ដក - ចំណាយមិនកត់ត្រាក្នុងបញ្ជីគណនេយ្យតែជាចំណាយកាត់កងបានក្នុងឆ្នាំ [ គ ]

- រំលស់អនុញ្ញាតិតាមច្បាប់សារពើពន្ធ
- រំលស់ពិសេសអនុញ្ញាតិតាមច្បាប់សារពើពន្ធ
- ការថយចុះនូវសំវិធានធន
- ខាតពីការលក់ទ្រព្យសកម្មរយៈពេលវែងតាមច្បាប់សារពើពន្ធ
- ចំណាយផេ្សងៗទៀតអនុញ្ញាតិអោយកាត់កងបាន

ដក - ចំណូលបានកត់ត្រាក្នុងបញ្ជីគណនេយ្យ តែជាចំណូលមិនត្រូវជាប់ពន្ធក្នុងឆ្នាំ [ ឃ ]

- ចំណូលលើភាគលាភទទួលបានពីអ្នកជាប់ពន្ធនិវាសនជន
- ចំណូលពីការលក់ទ្រព្យសកម្មរយៈពេលវែង(ចំណេញតាមបញ្ជីគណនេយ្យ)
- ចំណូលផេ្សងៗបានកត់ត្រាក្នុងបញ្ជីតែជាចំណូលមិនត្រូវជាប់ពន្ធក្នុងឆ្នាំ

២ - ប្រាក់ចំណេញ / ខាតក្រោយនិយ័តកម្ម [ ២ = ១ + ក + ខ - គ - ឃ ]

បូក - ចំណាយសប្បុរសធម៌ដែលមិនអោយកាត់កង [ ឈ ]

- ប្រាក់ចំណេញ/(ខាត)ក្រោយនិយត័កម្ម [ ២ ]
- ចំណាយសប្បុរសធម៌ [ ង ]
- ប្រាក់ចំណេញ/(ខាត)សំរាប់គណនាចំណាយសប្បុរសធម៌អតិបរមាអាចកាត់កងបាន [ ច = ២ + ង ]
- ចំណាយសប្បុរសធម៌អតិបរមាអាចកាត់កងបាន [ ឆ = ច x ៥% ]
- ចំណាយសប្បុរសធម៌អាចកាត់កងបានក្នុងឆ្នាំ [ ជ = ង ឬ ឆ ចំនួនមួយណាដែលតិចជាង ]
- ចំណាយសប្បុរសធម៌មិនអាចកាត់កងបានត្រូវបូកបញ្ចូលប្រាក់ចំណេញ/(ខាត)ជាប់ពន្ធ [ឈ= ង - ជ ]
* ចំណាយសប្បុរសធម៌អាចកាត់កងបានក្នុងការិយបរិចេ្ឆទដូចមានចែងក្នុងផ្នែក ១.៦ និង ៥.១០ នៃប្រកាសស្ដីពីពន្ធលើប្រាក់ចំណេញគឺជាចំនួនណាមួយដែលតិចជាង។ អនុលោមតាមច្បាប់ស្ដីពីសារ ពើពន្ធចំនួនលើសជាចំនួនមិនអាចកាត់កងបាន ហើយមិនអាចយោងទៅឆា្នំខាងមុខបាន។

៣ - ប្រាក់ចំណេញ/ខាតមុននិយត័កម្មលើការប្រាក់ [ ៣ = ២ + ឈ ]

បូក/ដក - និយ័តកម្មលើការប្រាក់ [ ត ]

- ប្រាក់ចំណេញ,(ខាត)មុននិយត័កម្មលើការប្រាក់ [ ៣ ]
បូក : ចំណាយការប្រាក់ក្នុងការិយបរិចេ្ឆទ [ A ]
ដក : ចំណូលការប្រាក់ក្នុងការិយបរិចេ្ឆទ [ B ]
- ប្រាក់ចំណេញសុទ្ធមុនការប្រាក់ [ ញ = ៣ + A - B ] (បើអវិជ្ជមាន ត្រូវដាក់ សូន្យ "0")
- ៥០% នៃប្រាក់ចំណេញគា្មនការប្រាក់ [ ដ = ញ x ៥០% ]
- ចំណូលការប្រាក់ក្នុងការិយបរិចេ្ឆទ [ ឋ = B ]
- ចំណាយការប្រាក់អតិបរមាអនុញ្ញតិអោយកាត់កងបានក្នុងការិយបរិចេ្ឆទ [ ឌ = ដ + ឋ ]
- ចំណាយការប្រាក់យោងពីឆ្នាំមុន [ C ]
- សរុបចំណាយការប្រាក់ក្នុងការិយបរិចេ្ឆទ និងយោងពីឆ្នាំមុន [ ឍ = A + C ]
- សរុបចំណាយការប្រាក់អាចកាត់កង [ ណ = ឌ ឬ ឍ ចំនួនណាមួយដែលតិចជាង ]
- ចំនួនទឹកប្រាក់ដែលត្រូវបូកក្នុង / ដកពីប្រាក់ចំណេញជាប់ពន្ធ [ ត = ណ - A ]
*បើ [ ណ ] តូចជាង [ A ] លំអៀង [ ត ] បូកបន្ថែមប្រាក់ចំណេញជាប់ពន្ធ
*បើ [ ណ ] ធំជាង [ A ] លំអៀង [ ត ] ដកចេញពីប្រាក់ចំណេញជាប់ពន្ធ
- បើ [ ឌ ] តូចជាង [ ឍ ] ចំណាយការប្រាក់យោងទៅមុខ [ ថ = ឍ - ឌ ]

៤ - ប្រាក់ចំណេញ/ខាតក្នុងការិយបរិចេ្ឆទ [ ៤ = ៣ ± ត ]

ដក - ខាតយោងពីឆ្នាំមុនអនុញ្ញាតិ [ D ]

៥ - ប្រាក់ចំណេញ/ខាត ជាប់ពន្ធសំរាប់គណនាពន្ធលើប្រាក់ចំណេញ [ ៥ = ៤ - D ]

ពន្ធលើប្រាក់ចំណេញតាមអត្រា...................% [ E = ៥ x.......% ]

ដក - ឥណទានពន្ធ្ធបរទេស [ F ]

៦ - បំណុលពន្ធលើប្រាក់ចំណេញក្រោយដកឥណទានពន្ធ្ធបរទេស [ ៦ = E - F ]

ដក - ឥណទានពន្ធបន្ថែមលើការបែងចែកភាគលាភក្នុងឆ្នាំ [ G ]

៧ - បំណុលពន្ធលើប្រាក់ចំណេញ [ ៧ = ៦ - G ] ជានិច្ចជាកាល >=0

ពន្ធអប្បរមា [ H ]

៨ - បំណុលពន្ធលើប្រាក់ចំណេញត្រូវបង់

*សំរាប់គំរោងវិនិយោគមានលក្ខណៈសម្បតិ្ដគ្រប់គ្រាន់បំណុលពន្ធលើប្រាក់ចំណេញ [ ទ = ៧ ]
*សំរាប់គំរោងដទៃបំណុលពន្ធលើប្រាក់ចំណេញ [ ធ = ៧ ឬ H ណាមួយមានតំលៃខ្ពស់ជាងគេ ]

ដក - ឥណទានពន្ធកាត់ទុក [ I ]

ដក - ប្រាក់រំដោះពន្ធលើប្រាក់ចំណេញ [ J ]

ដក - ប្រាក់រំដោះពន្ធលើប្រាក់ចំណេញ [ K ]

៩ - ពន្ធលើប្រាក់ចំណេញត្រូវបង់ / ត្រូវយោងទៅឆ្នាំបន្ទាប់

*សំរាប់គំរោងវិនិយោគមានលក្ខណៈសម្បតិ្ដគ្រប់គ្រាន់ [ ន = ទ - I - J - K ]
*សំរាប់គំរោងវិនិយោគមិនមានលក្ខណៈសម្បតិ្ដគ្រប់គ្រាន់ [ ប = ធ - I - J - K ]

Sunday, September 13, 2015

សិទ្ធិ និងកាតព្វកិច្ចរបស់អ្នកជាប់ពន្ធ

ពន្ធលើប្រាក់ចំណេញ

ពន្ធលើប្រាក់ចំណេញត្រូវបានកំណត់លើអ្នកជាប់ពន្ធនិវាសនជន ចំពោះប្រាក់ចំណូលប្រភពកម្ពុជា និងប្រាក់ ចំណូលប្រភពបរទេស។ សម្រាប់អ្នកជាប់ពន្ធអនិវាសនជន ពន្ធលើប្រាក់ចំណេញកំណត់តែលើប្រាក់ចំណូលប្រភព កម្ពុជាប៉ុណ្ណោះ។

I. ប្រាក់ចំណេញជាប់ពន្ធ

ប្រាក់ចំណេញជាប់ពន្ធ គឺជាប្រាក់ចំណេញសុទ្ធបានមកពីលទ្ធផលទាំងអស់នៃប្រតិបត្តិការអារជីវកម្មគ្រប់ ប្រភេទរួម បញ្ចូលទាំងចំណេញមូលធនដែលសម្រេចបានក្នុងពេលកំពុងប្រកបអាជីវកម្ម ឬនៅពេលបញ្ចប់ អាជីវកម្មព្រមទាំងប្រាក់ ចំណូលពីទ្រព្យសកម្មហិរញ្ញវត្ថុ ឬទ្រព្យសកម្មវិនិយោគការប្រាក់ថ្លៃឈ្នួល និងសួយ សារផង។ ប្រាក់ចំណេញជាប់ពន្ធក៏រួម បញ្ចូលផងដែរនូវចំណេញមូលធនទាំងអស់ពីអចលនទ្រព្យ ទ្រព្យហិរញ្ញ វត្ថុ ឬទ្រព្យវិនិយោគ ដែលសម្រេចបានមកពីប្រតិបត្តិ ការនានាក្រៅពីប្រតិបត្តិការអាជីវកម្ម។

អត្រាពន្ធលើប្រាក់ចំណេញប្រចាំឆ្នាំមានដូចតទៅ៖

១- ២០% : ចំពោះប្រាក់ចំណេញដែលសម្រេចបានដោយនីតិបុគ្គល

២- ៣០% : ចំពោះប្រាក់ចំណេញដែលសម្រេចបានក្រោមកិច្ចសន្យាបែងចែកផលិតផលប្រេងកាត និងឧស្ម័ន ធម្មជាតិ ឬសម្រេចបានពីការធ្វើអាជីវកម្មលើធនធានធម្មជាតិរួមទាំង ព្រៃឈើ រ៉ែ មាស ឬត្បូងថ្មមានតម្លៃនានា

៣- ៩% : ចំពោះប្រាក់ចំណេញរបស់គម្រោងវិនិយោគមានលក្ខណៈសម្បតិ្តគ្រប់គ្រាន់ដែលទទួលស្គាល់ដោយ ក្រុមប្រឹក្សាអភិវឌ្ឍន៍កម្ពុជាសម្រាប់រយៈពេលអន្តរកាល ៥ឆ្នាំ ដោយគិតចាប់ផ្តើមពីប្រកាសឱ្យ ប្រើច្បាប់ស្តីពីវិនិយោគនៃ ព្រះរាជាណាចក្រកម្ពុជា

៤- 0% : ចំពោះប្រាក់ចំណេញរបស់គម្រោងវិនិយោគមានលក្ខណៈសម្បតិ្តគ្រប់គ្រាន់ដែលស្ថិតនៅក្នុងរយៈ ពេលលើកលែងពន្ធដែលកំណត់ដោយក្រុមប្រឹក្សាអភិវឌ្ឍន៍កម្ពុជា

៥- តាមតារាងអត្រាពន្ធកំណើនតាមថ្នាក់ខាងក្រោមចំពោះប្រាក់ចំណេញដែលសម្រេចបានដោយរូបវន្តបុគ្គល និងចំណែកដែលត្រូវបែងចែកឱ្យសមាជិកម្នាក់ៗរបស់ក្រុមអាជីវកម្ម ដែលមិនត្រូវបានចាត់ទុកជា នីតិបុគ្គល ៖

ភាគនៃប្រាក់ចំណេញប្រចាំឆ្នាំដែលត្រូវជាប់ពន្ធ				អត្រាពន្ធ
ពី	0 ៛	ដល់	៦.០០០.០០០ ៛	០%
ពី	៦.០០០.០០១ ៛	ដល់	១៥.០០០.០០០ ៛	៥%
ពី	១៥.០០០.០០១ ៛	ដល់	១០២.០០០.០០០ ៛	១០%
ពី	១០២.០០០.០០១ ៛	ដល់	១៥០.០០០.០០០ ៛	១៥%
		លើសពី	១៥០.០០០.០០០ ៛	២០%

៦- ចំពោះសហគ្រាសដែលមានសកម្មភាពជាសំខាន់ក្នុងការធានារ៉ាប់រងឬ ធានារ៉ាប់រងបន្តលើជីវិត ទ្រព្យសម្បត្តិ ឬហានិភ័យផ្សេងៗ ពន្ធលើប្រាក់ចំណេញត្រូវបានកំណត់ខាងក្រោម ៖

ក. ៥% នៃបុព្វលាភធានារ៉ាប់រងដុលដែលទទួលបាននៅក្នុងឆ្នាំជាប់ពន្ធ ចំពោះការធានារ៉ាប់រង ឬធានារ៉ាប់រងបន្ត នូវហានិភ័យនៅព្រះរាជាណាចក្រកម្ពុជា

ខ. តាមអត្រាទាំងឡាយដូចមានចែងក្នុងចំណុច ១-២-៣-៤និង៥ ខាងលើ ចំពោះសកម្មភាពដទៃទៀតដែល មិនមែនជាការធានារ៉ាប់រង ឬធានារ៉ាប់រងបន្ត

II. ប្រាក់រំដោះពន្ធលើប្រាក់ចំណេញ

អ្នកជាប់ពន្ធតាមរបបស្វ័យប្រកាស រួមទាំងគម្រោងវិនិយោគមានលក្ខណៈសម្បត្តិគ្រប់គ្រាន់ ដែលជាប់ពន្ធលើ ប្រាក់ចំណេញតាមអត្រា ៩% ត្រូវមានកាតព្វកិច្ចបង់ប្រាក់រំដោះពន្ធលើប្រាក់ចំណេញប្រចាំខែតាមអត្រា ១% នៃផលរបរគិតរួម បញ្ចូលទាំងពន្ធអាករទាំងអស់ វៀរលែងតែអាករលើតម្លៃបន្ថែមដែលសម្រេចបានក្នុងខែមុន យ៉ាងយឺតបំផុតត្រឹមថ្ងៃទី ១៥ នៃខែបន្ទាប់។ ផលរបរនៃគម្រោងវិនិយោគមានលក្ខណៈសម្បត្តិគ្រប់គ្រាន់ដែល ស្ថិតក្នុងរយៈពេលលើកលែងពន្ធត្រូវបាន លើកលែងពីការបង់ប្រាក់រំដោះនេះ។ ប្រាក់រំដោះពន្ធលើប្រាក់ ចំណេញនឹងត្រួវបានយកទៅកាត់កងពីពន្ធលើប្រាក់ចំណេញ នៅពេលធ្វើការទូទាត់ប្រចាំឆ្នាំ។

III. ពន្ធអប្បបរមា

ពន្ធអប្បបរមាជាពន្ធមួយដាច់ដោយឡែកនិងផ្សេងៗពីពន្ធលើប្រាក់ចំណេញ។ ពន្ធនេះត្រូវបង់ដោយអ្នកជាប់ ពន្ធតាមរបបស្វ័យប្រកាស លើកលែងតែគម្រោងវិនិយោគមានលក្ខណៈសម្បត្តិគ្រប់គ្រាន់ តាមអត្រា ១% លើផលរបរ ប្រចាំឆ្នាំរួមបញ្ជូលទាំងពន្ធអាករនានាវៀរលែងតែអាករលើតម្លៃបន្ថែម។ ពន្ធនេះត្រូវបង់នៅពេល ទូទាត់ពន្ធលើប្រាក់ចំណេញប្រចាំឆ្នាំ ហើយអាចត្រូវបានកាត់បន្ថយដោយពន្ធលើប្រាក់ចំណេញប្រចាំឆ្នាំ។

IV. ពន្ធលើប្រាក់ចំណេញបន្ថែមលើការបែងចែកភាគលាភ

នៅពេលបែងចែកភាគលាភ អ្នកជាប់ពន្ធតាមរបបស្វ័យប្រកាសត្រូវបង់ពន្ធលើប្រាក់ចំណេញបន្ថែមលើការបែង ចែកភាគលាភដូចតទៅ ៖

១- ពន្ធលើប្រាក់ចំណេញបន្ថែមត្រូវបង់ក្នុងចំនួនស្មើនឹង ២០% នៃទឹកប្រាក់ត្រូវបែងចែកចំពោះ ៖

ក. ការបែងចែកប្រាក់ចំណេញរក្សាទុក ឬប្រាក់ចំណេញប្រចាំឆ្នាំក្រោយការបង់ពន្ធលើប្រាក់ចំណេញ ប្រសិនបើអ្នកជាប់ពន្ធធ្វើការបែងចែកប្រាក់ចំណេញរក្សាទុកឬប្រាក់ចំណេញប្រចាំឆ្នាំ ដែលបានបង់ពន្ធលើប្រាកប់ចំណេញ តាមអត្រា ០%

ខ. ការបែងចែកដទៃទៀត វៀរលែងតែការបែងចែកដែលបានកំណត់ក្នុងចំណុច២ និង៣ ខាងក្រោមនេះ និងការបង់សងវិញនូវមូលធន

២- ពន្ធលើប្រាក់ចំណេញបន្ថែមត្រូវបង់ក្នុងចំនួនស្មើនឹង ១១ ភាគ ៩១ នៃទឹកប្រាក់ត្រូវបែងចែកចំពោះការ បែងចែក ប្រាក់ចំណេញរក្សាទុកឬប្រាក់ចំណេញប្រចាំឆ្នាំក្រោយការបង់ពន្ធលើប្រាក់ចំណេញ ប្រសិន បើអ្នកជាប់ពន្ធធ្វើការបែងចែក ប្រាក់ចំណេញរក្សាទុកប្រាក់ចំណេញប្រចាំឆ្នាំ ដែលបានបង់ពន្ធលើ ប្រាក់ចំណេញ តាមអត្រា ៩%

៣- ពន្ធលើប្រាក់ចំណេញបន្ថែមមិនត្រូវអនុវត្តទេចំពោះ ការបែងចែកប្រាក់ចំណេញរក្សាទុក ឬប្រាក់ចំណេញ ប្រចាំ ឆ្នាំក្រោយការបង់ពន្ធលើប្រាក់ចំណេញ ប្រសិនបើអ្នកជាប់ពន្ធធ្វើការបែងចែកប្រាក់ចំណេញរក្សាទុក ឬប្រាក់ចំណេញប្រចាំ ឆ្នាំដែលបានបង់ពន្ធលើប្រាក់ចំណេញតាមអត្រា២០% ឬអត្រា ៣០%

V. ពន្ធកាត់ទុកលើនិវាសនជន

អ្នកជាប់ពន្ធនិវាសនជនដែលប្រកបអាជីវកម្មដែលបានធ្វើការទូទាត់ជាសាច់ប្រាក់ឬជាវត្ថុឱ្យដល់អ្នកជាប់ពន្ធ និវាសនជន ត្រូវកាត់ទុកនិងបង់ប្រាក់ពន្ធទៅតាមអត្រាដូចខាងក្រោមលើចំនួនទូទាត់មុនការកាត់ទុកប្រាក់ពន្ធ៖

ក- អត្រា ១៥% : ចំពោះ

- ប្រាក់ចំណូលដែលរូបវន្តបុគ្គលបានទទួលពីការបំពេញសេវានានា រួមទាំងការគ្រប់គ្រង ឬការពិគ្រោះ យោបល់ឬសេវាប្រហាក់ប្រហែល

- សួយសារចំពោះទ្រព្យអរូបបីនិងភាគកម្មក្នុងធនធានរ៉ែ ហើយនិងការប្រាក់ដែលអ្នកជាប់ពន្ធនិវាសនជន ដែលប្រកបអាជីវកម្មដែលមិនមែនជាធនាគារឬ ស្ថាប័នសញ្ជ័យធនក្នុងស្រុកបង់ឱ្យទៅអ្នកជាប់ពន្ធ និវាសនជន

ខ- អត្រា ១០% : ចំពោះប្រាក់ចំណូលពីការឱ្យជួលចលនឬអចលនទ្រព្យ

គ- អត្រា ៦% : ចំពោះការប្រាក់ដែលធនាគារឬស្ថាប័នសញ្ច័យធនក្នុងស្រុកបង់ឱ្យទៅអ្នកជាប់ពន្ធនិវាសនជន ដែលមានគណនីបញ្ញើមានកាលកំណត់

ឃ- អត្រា ៤% : ចំពោះការប្រាក់ដែលធនាគារឬស្ថាប័នសញ្ជ័យធនក្នុងស្រុកបង់ឱ្យទៅអ្នកជាប់ពន្ធនិវាសនជន ដែល មានគណនីសន្សំគ្មានកាលកំណត់

ការកាត់ទុកខាងលើនេះ មិនត្រូវអនុវត្តទេចំពោះការប្រាក់ដែលបង់ទៅឱ្យធនាគារ និងស្ថាប័នសញ្ជ័យធន ក្នុង ស្រុកនិងការទូទាត់ចំពោះប្រាក់ចំណូលលើកលែងពន្ធដូចមានចែងក្នុងមាត្រា ៩ថ្មីនៃច្បាប់ស្តីពីសារពើពន្ធ។

V. ពន្ធកាត់ទុកលើអនិវាសនជន

អ្នកជាប់ពន្ធនិវាសនជនដែលប្រកបអាជីវកម្មដែលធ្វើការទូទាត់ប្រាក់ចំណូលដូចខាងក្រោមនេះ ឱ្យទៅអ្នកជាប់ពន្ធ អនិវាសនជនត្រូវកាត់ទុកនិងបង់នូវប្រាក់ពន្ធតាមអត្រា ១៤% នៃទឹកប្រាក់ត្រូវបើក ៖

ក- ការប្រាក់

ខ- សួយសារ ថ្លៃឈ្នួល និងប្រាក់ចំណូលផ្សេងៗទាក់ទិននិងការប្រើប្រាស់ទ្រព្យសម្បត្តិ

គ- ការទូទាត់ចំពោះសេវាគ្រប់គ្រង និងសេវាបច្ចេកទេសនានា

ឃ- ភាគលាភ

សហគ្រាសក្រុមហ៊ុនត្រូវដាក់លិខិតប្រកាសនិងបង់ប្រាក់ពន្ធដែលបានកាត់ទុកក្នុងរយៈពេល១៥ថ្ងៃ ក្រោយ ដំណាច់ខែដែលមានការទូទាត់។ ពេលកាត់ទុកគឺជាពេលដែលចំណាយត្រូវបានកត់ត្រាក្នុងបញ្ជីគណនេយ្យ។

ពន្ធកាត់ទុកទូទៅ

ការចុះបញ្ជីពន្ធដារ

ពន្ធលើដីធ្លីមិនបានប្រើប្រាស់ និងពន្ធលើអចលនទ្រព្យ

ពន្ធប្រថាប់ត្រា

ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ

ពន្ធសត្តឃាត

ពន្ធតែមប្រិ៍

អាករលើផលរបរ

អាករលើការស្នាក់នៅ

អាករសម្រាប់បំភ្លឺសាធារណៈ

អាករពិសេសលើទំនិញ និងសេវាមួយចំនួន

អាករលើតម្លៃបន្ថែម

អ្នកជាប់ពន្ធតាមរបបស្វ័យប្រកាសដែលធ្វើការផ្គត់ផ្គង់ជាប់អាករ ត្រូវមានកាតព្វកិច្ចចុះបញ្ជីអាករលើតម្លៃបន្ថែម និងប្រមូលអាករលើតម្លៃបន្ថែមលើការផ្គត់ផ្គង់ទំនិញឬសេវាឱ្យអតិថិជន។

ទំនិញ សំដៅដល់ទ្រព្យរូបី ក្រៅពីដីធ្លី និងប្រាក់កាស រីឯសេវាសំដៅដល់ការផ្តល់អ្វីមួយដែលមានតម្លៃ ក្រៅពី ទំនិញ ដីធ្លី និងប្រាក់កាស។

ការផ្គត់ផ្គង់ជាប់អាករសំដៅដល់៖

ការផ្គត់ផ្គង់ទំនិញឬសេវាដោយបុគ្គលជាប់អាករនៅក្នុងព្រះរាជាណាចក្រកម្ពុជា
ការដកយកទំនិញមកប្រើប្រាស់ផ្ទាល់ខ្លួនដោយបុគ្គលជាប់អាករ
ការផ្តល់ជាអំណោយឬការផ្គត់ផ្គង់ក្រោមតម្លៃពិត នូវទំនិញឬសេវាដោយបុគ្គលជាប់អាករ
ការនាំចូលទំនិញមកក្នុងតំបន់ត្រួតពិនិត្យគយនៃព្រះរាជាណាចក្រកម្ពុជា

ការផ្គត់ផ្គង់មិនជាប់អាករមានដូចតទៅ៖

សេវាប្រៃសណីយ៍សាធារណៈ
សេវារបស់មន្ទីរពេទ្យនិងគ្លីនិក សេវាខាងវេជ្ជសាស្រ្តនិងទន្តសាស្រ្តនិងការលក់ទំនិញបន្ទាប់បន្សំខាងវេជ្ជសាស្រ្ត និងទន្តសាស្រ្តដែលទាក់ទិននិងការបំពេញសេវាទាំងនេះ
សេវាដឹកជញ្ជូនអ្នកដំណើរដោយប្រព័ន្ធដឹកជញ្ជូនសាធារណៈដែលជាកម្មសិទ្ធិទាំងស្រុងរបស់រដ្ឋ
សេវាធានារ៉ាប់រង
សេវាជាមូលដ្ឋានខាងហិរញ្ញវត្ថុដែលត្រូវកំណត់ដោយប្រកាសរបស់ក្រសួងសេដ្ឋកិច្ច និងហិរញ្ញវត្ថុ
ការនាំចូលសម្ភារៈប្រើប្រាស់ផ្ទាល់ខ្លួនដែលរួចពន្ធគយ ក្នុងកម្រិតតម្លៃដែលត្រូវកំណត់ដោយប្រកាសរបស់ក្រសួង សេដ្ឋកិច្ច និងហិរញ្ញវត្ថុ
សកម្មភាពមិនស្វែងរកចំណេញដើម្បីបំរើផលប្រយោជន៍សាធារណៈ ដែលបានទទួលស្គាល់ដោយរដ្ឋមន្រ្តីក្រសួង សេដ្ឋកិច្ច និងហិរញ្ញវត្ថុ
ការនាំចូលនិងការទិញទំនិញសម្រាប់ឬដោយបេសកកម្មទូតនិងកុងស៊ុលបរទេសអង្គការអន្តរជាតិ និងទីភ្នាក់ងារ សហប្រតិបត្តិការបច្ចេកទេសរបស់រដ្ឋាភិបាលនានា សម្រាប់យកមកប្រើនៅក្នុងការបំពេញមុខងារជាផ្លូវការរបស់ខ្លួន

អត្រាអាករលើតម្លៃបន្ថែមមាន៖

១០% សម្រាប់ការនាំចូលឬការផ្គត់ផ្គង់ទំនិញឬសេវាក្នុងព្រះរាជាណាចក្រកម្ពុជា
០% សម្រាប់ការនាំចេញ

ការគណនាប្រាក់អាករត្រូវបង់៖

ប្រាក់អាករដែលបានបង់នៅពេលនាំចូលទំនិញ ឬប្រាក់អាករដែលបានបង់លើការទិញទំនិញ ឬសេវា សម្រាប់ ប្រកបអាជីវកម្ម ហៅថា "អាករលើធាតុចូល"
ប្រាក់អាករដែលបានគិតយកពីអតិថិជនពីការផ្គត់ផ្គង់ទំនិញ ឬសេវាហៅថា "អាករលើធាតុចេញ"
ប្រាក់អាករត្រូវបង់ = អាករលើធាតុចេញ - អាករលើធាតុចូល

អាករលើធាតុចូលដែលមិនអាចកាត់កងបាន៖

អាករលើធាតុចូលដែលមិនអាចកាត់កងបានរួមមានប្រាក់អាករដែលបានបង់លើ៖

ចំណាយទទួលភ្ញៀវ ការកំសាន្ត ឬការសម្រាកលំហែ លើកលែងតែបុគ្គលជាប់អាករមានអាជីវកម្មជាអ្នកផ្គត់ផ្គង់ ការទទួលភ្ញៀវ ការកំសាន្ត ឬការសម្រាកលំហែ
ការទិញឬការនាំចូលរថយន្ត លើកលែងតែបុគ្គលជាប់អាករប្រកបអាជីវកម្មជាអ្នកលក់ ឬជួលរថយន្ត
ការទិញឬការនាំចូលផលិតផលតេលសិលាមួយចំនួន លើកលែងតែបុគ្គលជាប់អាករប្រកបអាជីវកម្មជាអ្នកផ្គត់ផ្គង់ ផលិតផលតេលសិលាទាំងនោះ

អ្នកជាប់ពន្ធដែលធ្វើការផ្គត់ផ្គង់ជាប់អាករនូវទំនិញឬសេវា ត្រូវទទួលខុសត្រូវក្នុងការបង់ប្រាក់អាករជូនរដ្ឋបាលសារ ពើពន្ធយ៉ាងយឺតបំផុតត្រឹមថ្ងៃទី២០ នៃខែបន្ទាប់ពីខែដែលមាន ការផ្គត់ផ្គង់។

ពន្ធលើប្រាក់បៀវត្ស

ពន្ធលើប្រាក់បៀវត្ស គឺជាពន្ធប្រចាំខែកំណត់លើប្រាក់បៀវត្សដែលរូបវន្តបុគ្គលបានទទួលក្នុងក្របខ័ណ្ឌនៃការ បំពេញសកម្មភាពបំរើការងារ។ រូបវន្តបុគ្គលនិវាសនជននៅក្នុងព្រះរាជាណាចក្រកម្ពុជា ត្រូវជាប់ពន្ធលើប្រាក់បៀវត្ស ចំពោះប្រាក់បៀវត្សប្រភពកម្ពុជានិងប្រាក់បៀវត្សប្រភពបរទេស។ រូបវន្តអនិវាសនជនត្រូវជាប់ពន្ធលើប្រាក់បៀវត្សចំពោះ ប្រាក់បៀវត្សប្រភពកម្ពុជា។ សហគ្រាសដែលជានិយោជក ត្រូវមានកាតព្វកិច្ចកាត់ទុកពន្ធលើប្រាក់បៀវត្សនៅមុនពេល បើកប្រាក់បៀវត្សឱ្យដល់និយោជិត និងបង់ប្រាក់ពន្ធនេះជូនរដ្ឋបាលសារពើពន្ធយ៉ាងយឺតបំផុតនៅថ្ងៃទី ១៥នៃខែបន្ទាប់ ពីខែដែលប្រាក់បៀវត្សត្រូវបានបើក។

សម្រាប់និយោជិតនិវាសនជន ប្រាក់ពន្ធត្រូវបង់ត្រូវកំណត់លើប្រាក់បៀវត្សជាប់ពន្ធប្រចាំខែនិងត្រូវកាត់ទុកតាម អត្រាកំណើនតាមថ្នាក់ដូចតទៅៈ

ភាគបៀវត្សប្រចាំខែត្រួវជាប់ពន្ធ "២០១៧"				អត្រាពន្ធ
ពី	០ ៛	ដល់	១.០០០.០០០ ៛	០.០០%
ពី	១.០០០.០០១ ៛	ដល់	១.៥០០.០០០ ៛	៥.០០%
ពី	១.៥០០.០០១ ៛	ដល់	៨.៥០០.០០០ ៛	១០.០០%
ពី	៨.៥០០.០០១ ៛	ដល់	១២.៥០០.០០០ ៛	១៥.០០%
		លើសពី	១២.៥០០.០០០ ៛	២០.០០%

ទាយជ្ជទានសម្រាប់សហព័ន្ធ និងកូនក្នុងបន្ទុកឆ្នាំ២០១៧ គឺ ១៥០ ០០០៛ក្នុងម្នាក់ៗ

ភាគបៀវត្សប្រចាំខែត្រួវជាប់ពន្ធ ២០១៦				អត្រាពន្ធ
ពី	០ ៛	ដល់	៨០០.០០០ ៛	០.០០%
ពី	៨០០.០០១ ៛	ដល់	១.២៥០.០០០ ៛	៥.០០%
ពី	១.២៥០.០០១ ៛	ដល់	៨.៥០០.០០០ ៛	១០.០០%
ពី	៨.៥០០.០០១ ៛	ដល់	១២.៥០០.០០០ ៛	១៥.០០%
		លើសពី	១២.៥០០.០០០ ៛	២០.០០%

ពន្ធលើប្រាក់បៀវត្សត្រូវបានកាត់ទុកតាមអត្រា២០% នៃទឹកប្រាក់ត្រូវបើកឱ្យមុនការកាត់ទុក។ ពន្ធកាត់ទុកនេះ គឺជាពន្ធចុងក្រោយនៃប្រាក់បៀវត្សសម្រាប់អនិវាសនជនជាអ្នកទទួលប្រាក់បៀវត្ស។ ចំពោះអត្ថប្រយោជន៍បន្ថែមជារៀង រាល់ខែ សហគ្រាស ក្រុមហ៊ុនត្រូវកាត់ទុកនិងបង់ប្រាក់ពន្ធតាមអត្រា ២០% នៃតម្លៃសរុបរបស់អត្ថប្រយោជន៍បន្ថែមដែល បានផ្តល់ឱ្យនិយោជិតទាំងអស់។ តម្លៃនៃអត្ថប្រយោជន៍បន្ថែមគឺជាតម្លៃទីផ្សារ រួមទាំងពន្ធអាករទាំងអស់។

ពន្ធលើឈ្នួលផ្ទះ និងដី

ពន្ធលើឈ្នួលផ្ទះ និង ដីត្រូវកំណត់យកលើប្រាក់ឈ្នួលដែលបានមកពីការជួល៖

អាគារដែលសង់លើដីដូចជាៈ ផ្ទះ រោងចក្រ ភណ្ឌាគារ ការិយាល័យ ។ល។
ហត្ថូបករណ៍ដែលជាប់ជាមួយគ្រឹះស្ថានឧស្សាហកម្ម
ឋាបនភ័ណ្ឌពាណិជ្ជកម្ម ឧស្សាហកម្ម ដែលនៅនឹងមួយកន្លែង អាគារធំៗដែលទុកដាក់ធាតុរាវ ឬ ផលិតផលផ្សេងៗ ដូចជា ប្រេងឥន្ធនៈ កៅស៊ូចាក់ថ្នល់ គ្រាប់ធញ្ញជាតិ
ផ្ទះអណ្តែតទឹក កប៉ាល់សម្រាប់ធ្វើជាលំនៅដ្ឋាន ឬ ដើម្បីប្រកបអាជីវកម្មផ្សេងៗ
ដីធ្លីដែលគ្មានសំណង់ ដោយរាប់បញ្ចូលទាំងកន្លែងយកថ្ម យករ៉ែ ធ្យូងថ្ម បឹងបូរ ស្រែអំបិល។

ពន្ធនេះត្រូវប្រមូលពីកម្មសិទ្ធិករ ឬ សិទ្ធិវន្តរបស់កម្មសិទ្ធិករ
អត្រាពន្ធលើឈ្នួលផ្ទះ និងដីត្រូវបានកំណត់ស្មើនឹង ១០%នៃប្រាក់ឈ្នួលដុល។ ប្រាក់ឈ្នួលដុល គឺជាប្រាក់ឈ្នួល ដែលបានចុះកិច្ចសន្យា ឬបានព្រមព្រៀងជាមួយអ្នកជួល។

ពន្ធប៉ាតង់

ពន្ធប៉ាតង់ជាពន្ធកំណត់លើផលរបរសរុបប្រចាំឆ្នាំដែលត្រូវបង់ក្នុងអំឡុងពេលចាប់ពីថ្ងៃទី០១ ខែមករា ដល់ថ្ងៃទី៣១ ខែមីនា ជារៀងរាល់ឆ្នាំ។

អ្នកជាប់ពន្ធដែលទើបចាប់ផ្តើមប្រកបអាជីវកម្មត្រូវបង់ពន្ធប៉ាតង់ពេញមួយឆ្នាំ ប្រសិនបើចាប់ផ្តើមប្រកបអាជីវកម្មក្នុងរយៈពេល ៦ខែដើមឆ្នាំ ឬបង់ពន្ធប៉ាតង់ពាក់កណ្តាលឆ្នាំប្រសិនបើចាប់ផ្តើមប្រកបអាជីវកម្មក្នុងរយៈពេល ៦ខែចុងឆ្នាំ។

អ្នកជាប់ពន្ធដែលមានសាខា ឃ្លាំង រោងចក្រ រោងជាង សម្រាប់មុខរបរអាជីវកម្មតែមួយនៅ ក្នុងខេត្ត/ក្រុងតែមួយ មិនចាំបាច់បង់ពន្ធប៉ាតង់ផ្សេងគ្នាទេ ប៉ុន្តែបើមានមុខរបរអាជីវកម្មខុសៗគ្នា ឬស្ថិតនៅក្នុងខេត្ត/ក្រុង ផ្សេងគ្នា ត្រូវបង់ពន្ធប៉ាតង់ទៅតាមមុខរបរនីមួយៗ និងទៅតាមខេត្ត/ក្រុងដោយឡែកៗពីគ្នា។

អ្នកជាប់ពន្ធត្រូវដាក់តាំងឬ ព្យួរប័ណ្ណប៉ាតង់នៅទីកន្លែងប្រកបអាជីវកម្មជាគោលដើមរបស់ខ្លួន។

វិស័យពន្ធដារកម្ពុជា

Pages

Saturday, December 19, 2015

ប្រភពឯកសារផ្សេងៗ

Telephone numbers in Cambodia

Tuesday, October 6, 2015

ការប្រើប្រាស់វិក្កយបត្រសហគ្រាស

កាតព្វកិច្ច និង សិទ្ធិរបស់អ្នកជាប់ពន្ធ

សៀវភៅណែនាំ ស្តីពី ពន្ធលើប្រាក់ចំណេញ

សៀវភៅណែនាំ ស្តីពី ពន្ធប៉ាតង់

សៀវភៅណែនាំ ស្តីពី ពន្ធលើអចលនទ្រព្យ

សៀវភៅណែនាំ ស្តីពី ពន្ធកាត់ទុកលើនិវាសនជន និង អនិវសានជន

សៀវភៅណែនាំ ស្តីពី ពន្ធលើប្រាក់បៀវត្ស

Monday, October 5, 2015

ឧទាហរណ៍ អំពីការគណនា អតប ត្រូវបង់